Fotografia e tij me Thaçin u përdor nga Prokuroria si argument kundër arrestit shtëpiak, flet Rashit Qalaj.

Prokuroria Speciale ka përmendur një sërë argumentesh se pse Policia e Kosovës s’mund të ofrojë garanci që Thaçi dhe të tjerët të lirohen për në arrest shtëpiak. ZPS la përdorur një fotografi të Rashit Qalajt me Hashim Thaçin si argument që të mos lirohen nga paraburgimi.

Me dokumentin që ka në duar, aspak nuk pajtohet.

Në të po shkruan se mbi ish-drejtorin e Policisë, Rashit Qalaj, kishin ndikim dikur presidenti e kryekuvendari i Kosovës.

Kjo është edhe arsyeja kryesore se pse Zyra e Prokurorit të Specializuar, po kundërshton mbrojtjen në liri të ish-krerëve të UÇK-së.

Por për fotografinë që shihet ky me Hashim Thaçin në veri të vendit, Qalaj thotë se do ishte e pakuptimtë që të mungonte.

Në parashtrimin që ZPS-ja e deponoi në Gjykatë, përdoren edhe disa artikuj të portaleve në Kosovë që flasin për afërsinë e Thaçit e Veselit me Rashit Qalajn.

Mirëpo për këtë të fundit, këto pretendime janë fort joserioze.

Detyrën e shefit të organit të zbatimit të ligjit, ka një vit që nuk e ushtron.

Që nga janari, në krye të policisë së Kosovës është Samedin Mehmeti.

Komento:

	Komenti