Liverpool vëzhgon nga afër Rashfordin.
Liverpooli raportohet se po vëzhgon nga afër situatën e sulmuesit Marcus Rashford në Manchester United.
24-vjeçari po konsideron të ardhmen për shkak të vështirësive këtë sezon dhe një numër klubesh vazhdojnë të jenë të lidhur e duan, transmeton lajmi.net.
Sipas Manchester Evening News, Barcelona ka shprehur interes për nënshkrimin e anglezit, por edhe Liverpool po monitoron zhvillimet në e anglezit në “Old Trafford”.
Raporti pretendon se Rashford nuk po kërkon të largohet nga “Djajtë e Kuq” pavarësisht zhvillimeve të fundit dhe në vend të kësaj dëshiron të hapë bisedimet për një marrëveshje të re afatgjatë.
Marrëveshja aktuale e anglezit në Mançester do të skadojë në qershor të vitit 2023, megjithëse klubi ka opsionin për të aktivizuar një zgjatje njëvjeçare të marrëveshjes.
Rashford ka shënuar pesë herë dhe ka regjistruar dy asistime në 26 paraqitje për 20 herë kampionët e Anglisë këtë sezon, duke shënuar vetëm katër gola në Premierligë.
Sulmuesi ishte një zëvendësues në pjesën e dytë në ndeshjen e dytë të 1/16-tës së Ligës së Kampionëve të Man United me Atletico Madrid të martën, por luftoi për të lënë gjurmën në humbjen 1-0.
15 °C
