AC Milan ka rindezur interesin e tyre për nënshkrimin e qendërmbrojtësit të Feyenoord, Marcos Senesi dhe janë në bisedime me shoqëruesit e tij.

Tuttosport shkruan sot se Milani e ka bërë Sven Botman objektivin e tyre numër një për të përforcuar mbrojtjen, por ka një listë me tetë alternativa për holandezin, përfshirë 24-vjeçarin Senesi, përcjell ORAinfo.

Drejtuesit e kuqezinjve e kishin atë në listën e tyre edhe janarin e kaluar përpara se të vendosnin të shkonin për Fikayo Tomori dhe ata kanë kërkuar sërish informacion.

Ndërkohë, edhe gazetari Rudy Galetti raporton për interesimin e Milanit për argjentinasin.

Ai shkon edhe më tej duke shtuar se ditët e fundit ka pasur një takim me rrethin e Senesit dhe drejtuesit e Milanit.
Qendërmbrojtësi i Feyenoord ka një kontratë që skadon në vitin 2023, kështu që mund të jetë që skuadra e Eredivisie të tundohet nëse vjen një ofertë që i përshtatet vlerësimit që ata kanë për lojtarin. /ORAinfo/

Komento:

	Komenti