Mourinho,ka treguar se cili lojtar është më i mirë i të gjitha kohërave.

Jose Mourinho snobon dy “yjet” e futbollit, që kanë dominuar skenën botërore gjatë 15 viteve të fundit, Lionel Messin dhe Cristiano Ronaldon.

Trajneri portugez deklaroi se për të futbollisti më i mirë i të gjitha kohërave është Ronaldo “Fenomeni”.

Pasi ka kaluar disa përvoja të shkëlqyeshme menaxheriale, e cila e ka parë atë të marrë përgjegjësinë e drejtimit të Chelsea-t, Interit, Real Madridit dhe Manchester United, Mourinho duhet të dijë diçka më shumë se të tjerët për futbollistët e talentuar.

Ai është impresionuar nga braziliani kur ishte në etapën e hershme të karrierës së tij si pjesë e Barcelonës.

Mourinho ka punuar si përkthyes për Bobby Robsonin gjatë kohës së anglezit në krye të gjigantëve spanjollë. Asokohe ai ishte befasuar nga cilësitë e jashtëzakonshme të “Fenomenit”, që ishte vetëm 19 vjeç.

Superylli brazilian më vonë u shfaq si një nga sulmuesit më të mirë të brezit të tij dhe fitoi dy Kupa Bote me Brazilin.

“Ronaldo “Fenomeni”, Cristiano Ronaldo dhe Leo Messi kanë pasur karrierë të gjatë. Ata kanë qëndruan në majë çdo ditë për 15 vjet. Megjithatë, nëse flasim vetëm për talent dhe aftësi, askush nuk e tejkalon Ronaldon “Nazario”. Kur ai ishte te Barcelona, nën drejtimin e Bobby Robsonit, unë pashë në fushë lojtarin më të mirë.”

“Fenomeni” gjatë karrierës së tij, sigurisht që individualisht nuk u afrohet me çmimet e fituara dy “yjeve” të sotëm, por Mourinho e ka një argument edhe për këtë fakt.

“Lëndimet vranë një karrierë që mund të kishte qenë edhe më e pabesueshme, por ai talent që kishte një djalë 19-vjeçar ishte diçka e jashtëzakonshme.”

Komento:

	Komenti