Kategoria
Lajmet e fundit
23 °C

Nagavci-Schnetzer: Austria do të vazhdojë të ndihmojë Kosovën në fushën e arsimit

17:40 | 13 Tetor 2023
nagavci-schnetzer:-austria-do-te-vazhdoje-te-ndihmoje-kosoven-ne-fushen-e-arsimit

Ministrja e Arsimit, Shkencës, Teknologjisë dhe Inovacionit, Arbërie Nagavci priti sot në takim ambasadorin e ri të Austrisë në Kosovë, George Schnetzer.

Në një komunikatë për media thuhet se Nagavci i uroi mirëseardhje ambasadorit Schnetzer, duke theksuar marrëdhëniet e shkëlqyera ndërmjet dy shteteve në fushën e arsimit.

Nagavci falënderoi Qeverinë e Austrisë për ndihmën që ka dhënë në vazhdimësi përmes projekteve të ndryshme në sektorin e arsimit sidomos në ndërlidhjen e arsimit profesional dhe arsimit të lartë me tregun e punës.

Ndër të tjera, ministrja foli edhe për marrëveshje ndërmjet dy vendeve, të cilat parashohin zbatimin e programeve, të cilat kontribuojnë në qeverisjen më të mirë, cilësinë, ndërkombëtarizimin dhe efikasitetin e arsimit të lartë, si dhe në përafrimin e arsimit të lartë me tregun e punës.

Ndërsa, ambasadori Schnetzer tha se Qeveria e Austrisë do të vazhdojë të ndihmojë Kosovën përmes programeve të ndryshme, si një nga donatorët më të mëdhenj, në fushën e arsimit në Kosovë.

Postimi i plotë:

Komento:
Lajme të tjera
ORAinfo
© 2012 – 2026 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

               
Privacy and Policy
TEL : 044 / 911 100