Rama: Blerand Stavileci nuk do të jetë nënkryetar i Prishtinës.
Ditë më parë është raportuar në media se PDK-ja ka bërë marrëveshje me Lidhjen Demokratike të Kosovës që ta ketë pozitën e nënkryetarit të Komunës së Prishtinës, e që kjo do t’i takonte Blerand Stavilecit.
Përveç PDK-së e cila e ka mohuar një gjë të tillë, edhe kryetari i Prishtinës, Përparim Rama në emisionin ‘dPt te Fidani’ në T7 ka thënë se nënkryetar nuk do të jetë Blerand Stavileci.
“Jo nuk është e vërtet. Ka pas shumë spekulime, por nuk qëndron. Nënkryetar e kemi të konfirmuar është vetëm Alban Zogaj, ndërsa i dyti nuk do të jetë Blerand Stavileci, ende nuk e dim se kush”, tha Rama.
Kryetari i ri i Prishtinës tha se nënkryetarin e dytë të komunës mund ta përcaktojë edhe koalicioni.