Aksidenti i rëndë ka ndodhur sonte.
Një aksident trafiku ka ndodhur mbrëmjen e sotme në magjistralen Prishtinë-Ferizaj.
Lexues të Gazetës Online Reporteri.net kanë dërguar pamje nga vendi i ngjarjes, ku shihet se dy vetura janë aksidentuar duke u goditur ballë për ballë.
Policia e Kosovës ka dhënë detaje për Reporteri.net lidhur me aksidentin. Zëdhënësi Kanun Veseli ka thënë se si pasojë e këtij aksidenti, lëndime trupore kanë marrë 7 persona, ku 4 prej tyre janë dërguar për trajtim në QKUK, ndërsa 3 në Qendrën Emergjente në Ferizaj.
“Njësia e Komunikacionit Rrugor po e heton këtë rast”, tha Veseli.