Ish-pjesëtar i Ushtrisë Çlirimtare të Kosovës, Qerim Kelmendi do të varroset nesër në orën 15:00.
Ceremonia e varrimit do të mbahet në kompleksin memorial në Gllogjan, ndërsa paraprakisht do mbahen homazhe për nder të tij në qendër të qytetit të Pejës.
Njoftimin e bëri të ditur faqja “OVL UÇK Pejë”, me anë të një postimi në rrjetin social Facebook.
Qerim Kelmendi u gjet i privuar nga jeta dhe i djegur në veturën e tij në orët e hershme të mëngjesit të së enjtes, në fshatin Zahaq të Pejës.