Reagon Haradinaj: Kjo Qeveri vuri në rrezik popullin me shkarkimin e bordit të SHSKUK-së, kjo është ‘çkapje’ për ‘kapje’ – Ora Info Ballina | ORAinfo.com - Nuk ndalet

Reagon Haradinaj: Kjo Qeveri vuri në rrezik popullin me shkarkimin e bordit të SHSKUK-së, kjo është ‘çkapje’ për ‘kapje’

13:06 | 28 Mars 2020

Haradinaj thotë se kjo Qeveri vuri në rrezik popullin me shkarkimin e bordit të SHSKUK-së, kjo është ‘çkapje’ për ‘kapje’.

Kryetari i AAK-së, Ramush Haradinaj, ka komentuar shkarkimin e bordit të SHSKUK-së, nga Qeveria në detyrë.

Përmes një postimi në Facebook, Haradinaj ka thënë se ky vendim është i rrezikshëm dhe e vë në rrezik tërë popullin.

“Qeveria në ikje sot në kohë epidemie gjatë kohës kur qanë e çirret se të tjerët po sulmojnë padrejtësisht, merr vendimin më të rrezikshëm menaxhues duke vënë në rrezik tërë popullin. Sot kjo Qeveri e mashtrimit shkarkon bordin kinse politik të SHSKUK-së për ta zëvendësuar me këshilltarin politik të Ministrit, kandidatin për deputet të Vetëvendosjes, Mirsad Shkretën”, ka shkruar ai.

Haradinanj thotë se epidemia po politizohet nga kjo Qeveri mbi supet e shëndetit të popullit.

“Kryeministri i shkarkuar me mbi 2/3 të Kuvendit, vazhdon me shkarkime. Ja fytyra e vërtetë e kësaj Qeverie, e cila parim të vetëm ka mashtrimin. Kjo është çkapje për kapje”, ka shkruar ai.

Komento: