“Sabit Geci në gjendje të rëndë” – Ora Info Ballina | ORAinfo.com - Nuk ndalet
Lajmet e fundit
0 °C

“Sabit Geci në gjendje të rëndë”

16:54 | 19 Maj 2019

Duket se gjendja e Sabit Gecit akoma nuk është përmirësuar.

Sabit Geci nuk mund të kthehet prapa grilave pasi është në gjendje të rëndë në Klinikën Infektive. Infektologu Hamdi Ramadani ka thënë se pasi të kryhen disa kontrolle mjekësore mund të shkojë për shërim jashtë shtetit. Ish-Shefi i UÇK’së ishte detyruar të kthehej nga Turqia pasi ishte lëshuar flet arrest ndaj tij pse s’ishte paraqitur më 2 maj.

Drejtori i Klinikës Infektive, Hamdi Ramadani, ka thënë se Sabit Geci vazhdon të jetë në gjendje të rëndë shëndetësore pas shtrimit në spital. Ka thënë se pasi të kryhen edhe disa ekzaminime ish-komandanti i UÇK’së mund të vazhdojë mjekimin jashtë Kosovës.

“Mund të them se ai për momentin është në trajtim si dhe në hulumtim të sëmundjes. Konsiliumi mjekësor nga fushat e ndryshme kanë ardhur me e trajtu. Ai i ka mjaftë probleme shëndetësore. Jemi duke shikuar dhe nëse nuk gjendet diçka nga ana e domenit të fushës sonë ai mund të trajtohet edhe jashtë vendit”, ka thënë Ramdani.

Shërbimi Korrektues i Kosovës kishte kërkuar nga Policia e Kosovës që të prangos ish-eprorin e UCK-së, Sabit Gecin, i dënuar me 15 vite ndalim për dëme lufte kundër popullatës civile dhe për armëmbajtje pa leje.
I njëjti ndodhej në Turqi për mjekim nga një sëmundje e rëndë.

Mjeku që po e trajton ish-udhëheqësin e UÇK’së ka sqaruar se gjendja e rënduar shëndetësore e tij nuk ia lejon atij që të rikthehet në burg.

“Ai për momentin është duke u trajtuar këtu tek ne. Shëndeti i tij nuk e bën që të kthehet prapa grilave. Derisa shëndeti i tij nuk është i mirë ne nuk e lëshojmë. “, ka sqaruar indektologu që po e mjekon Sabit Gecin.

Ndryshe, Sabit Geci e kishte lënë mjekimin në shtetin turk dhe ishte kthyer në QKUK. Shkak për kthimin e tij në Kosovë u bë një kërkesë e Shërbimit Korrektues të Kosovës, zyrtarë të së cilit dhanë urdhër që ai të prangoset ngase nuk ishte paraqitur para hetuesisë kosovare në datën që i ishte caktuar më 2 maj të 2019-tës.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!