Trajneri i Kosovës flet pas fitorës kundër Malit të Zi, uron shqip – Ora Info Ballina | ORAinfo.com - Nuk ndalet
Lajmet e fundit
0 °C

Trajneri i Kosovës flet pas fitorës kundër Malit të Zi, uron shqip

22:55 | 14 Tetor 2019

Challandes shqip uron shqiptarët, ndërsa thotë “është dashur ta kryenim ndeshjen më herët”.

Trajneri i Kombëtares së Kosovës, Bernard Challandes, ka lavdëruar djelmoshat për paraqitjen fantastike kundër Malit të Zi në “Fadil Vokrri”.

Kosova fitoi 2 me 0 me golat e Amir Rrahmanit dhe Vedat Muriqit.

“Nëse kemi kaq shumë raste, normalisht duhet të realizojmë. Skuadra ka luajtur ndeshje të mirë, kompakte, një tranzicion shumë i mirë. Kemi pasur shumë raste, nuk kemi shënuar, por nuk e kemi pësuar në anën tjetër. Ndoshta është dashur ta kryenim ndeshjen më herët, por jam shumë i kënaqur”.

“Më pëlqeu puna mes fushës dhe mbrojtjes, presingu që kemi bërë. Kemi mbajtur topin, kemi bërë futbollin tonë me pasime të shkurtëra, po ashtu me situata në krah, por vetëm përfundimi i aksionit nuk ka qenë më i mirë”.

Ai tha pastaj në gjuhën shqipe ‘Urime’, derisa foli edhe për zëvendësimet.

“Mendoj se Shala nuk ka luajtur në javën e kaluar, ka qenë shqetësuese fakti se ka pasur një lëndim dhe është normale që e kemi zëvendësuar. Isha i kënaqur me skuadrën dhe nuk ishte e nevojshme patjetër të bëjmë ndërrim. Jam i kënaqur me atë çfarë treguan lojtarët në fushë”.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!