Sulmuesi i Barcelonës, Ousmane Dembele thuhet se ka një marrëveshje verbale me Paris Saint-Germain, për t’iu bashkuar gjigantit francez në një transferim të lirë këtë verë.

24-vjeçari ka luftuar me lëndime gjatë sezonit 2021-22 dhe u la jashtë skuadrës për një periudhë në fillim të këtij viti mes spekulimeve rreth të ardhmes, transmeton lajmi.

Megjithatë, ka qenë i rregullt për gjigantët katalanas në javët e fundit, me sulmuesin që shënoi dy herë dhe regjistroi shtatë asistime në 19 paraqitje në nivel klubi këtë sezon.

Kontrata e Dembeles në “Camp Nou” do të skadojë në fund të qershorit dhe një mori klubesh, duke përfshirë Manchester United, Chelsea, Tottenham Hotspur, vazhdojnë të vëzhgojnë situatën.

Megjithatë, sipas “FootMercato”, francezi tashmë ka një marrëveshje verbale me PSG-në për t’iu bashkuar klubit në një transferim të lirë përpara sezonit të ardhshëm.

Raporti pretendon se gjigantët e Ligue 1 e shohin Dembelen si lojtarin ideal për të forcuar sulmin, me Kylian Mbappe që pritet të largohet si transferim i lirë këtë verë.

Ka pasur gjithashtu spekulime rreth të ardhmes së Neymar dhe Lionel Messit në PSG që nga eliminimi i klubit nga Real Madrid në raundin e 16-të të Ligës së Kampionëve.

Komento:

	Komenti