AC Milan, do të marrë një pjesë të tarifës së transferimit nëse Lucas Paqueta përfundon t’i bashkohet Newcastle United.

Lucas Paqueta është një nga zhgënjimet më të mëdha të AC Milan në vitet e fundit. Mesfushori brazilian iu bashkua kuqezinjve nga Flamengo në vitin 2019 për një tarifë prej 38.4 milionë euro.

Mesfushori i talentuar nuk arriti t’i përmbushte pritjet në San Siro dhe u largua nga klubi pas dy sezonesh duke shënuar vetëm një gol në 44 paraqitje, përcjell ORAinfo.

Lucas Paqueta ishte në gjendje të ringjallte karrierën e tij në Lyon duke u bërë një nga lojtarët më të mirë në Ligue 1. Tarifa prej 20 milionë eurosh që Lyon pagoi për të marrë shërbimet e tij tani duket si një tarifë e volitshme. 24-vjeçari ka shënuar 10 gola dhe ka asistuar 7 duke tërhequr vëmendjen e shumë klubeve evropiane.

Sipas Fichajes Lucas Paqueta do të bashkohet me Newcastle United këtë verë. Lyon është në bisedime me klubin e Premier League për të përsëritur operacionin Bruno Guimaraes që u zhvillua në janar. Magpies duan të blejnë Paqueta dhe janë të gatshëm të shpenzojnë 50 milionë për shërbimet e tij.

AC Milan pësoi një humbje të madhe ekonomike kur shiti Paqueta për gjysmën e asaj që i pagoi Flamengos. Megjithatë, kuqezinjtë kanë një klauzolë shitjeje prej 15% për transferimin e ardhshëm të Paqueta-s. Nëse mesfushori sulmues kalon te Newcastle për 50 milionë, AC Milan do të marrë një shifër prej 7.5 milionësh./ORAinfo/

Komento:

	Komenti