Milan, mund të hasë në një pengesë në ndjekjen e tyre për të nënshkruar me Sven Botman dhe Renato Sanches për shkak të problemeve të menaxhimit në Lille.

Vitin e kaluar AC Milan ka qenë në bisedime për të blerë dyshen e Lille Sven Botman dhe Renato Sanches, përcjell ORAinfo.

Të dy lojtarët dukeshin shumë pranë bashkimit me kuqezinjtë gjatë afatit kalimtar të janarit, por asgjë nuk ndodhi. Lille ishte e vendosur të mbante Botman deri në fund të sezonit ndërsa Sanches nuk mund të arrinte një marrëveshje për kushtet personale.

Bisedimet përparuan mirë në muajt e mbetur dhe të dy lojtarët duket se do t’i bashkohen AC Milan sapo të hapet dritarja e transferimeve të verës. Qendërmbrojtësi holandez dhe mesfushori portugez kanë marrëveshje për kontratë pesëvjeçare ndërsa nënshkrimet e tyre pritet të kushtojnë afërsisht 50 milionë euro.

Megjithatë, ngjarjet e fundit në klubin francez mund të kenë një ndikim negativ në të ardhmen e të dy lojtarëve. Gazetari Carlo Pellegatti raporton se lufta midis pronarëve të Lille, Merlyn Partners SCSp dhe presidentit Olivier Letang mund të penalizojë kuqezinjtë./ORAinfo/

Komento:

	Komenti