Në javët e fundit, Milan është lidhur me shërbimet e Nicolo Zaniolo-s, gjë që nuk është aspak befasuese duke marrë parasysh shkathtësinë e tij në sulm.

Dhe lojtari tani mesa duket ka flirtuar me kuqezinjtë.

Junior Messias dhe Alexis Saelemsekers nuk arritën t’i përmbushin pritshmëritë sezonin e kaluar dhe Milani është duke kërkuar kështu një krah të djathtë.

Ndjenja është se ata duan një lojtar që mund të luajë djathtas por edhe si numër 10, siç është Zaniolo, përcjell ORAinfo.

Milani ka një interes konkret për lojtarin, siç u raportua nga La Stampa disa ditë më parë, por çmimi i lartë është një problem.

Zaniolo do të ketë një takim me Romën së shpejti dhe ai mund të shtyjë për një lëvizje, e cila mund të ndihmojë.

Duke folur për edicionin e kësaj jave të SportWeek (përmes MilanNews), 22-vjeçari foli për disa gjëra, përfshirë formacionin e tij të preferuar. Ai doli kundër Jose Mourinhos dhe emëroi formacionin që përdor Stefani Pioli, ndërsa përgëzoi Milanin për Scudetton.

Për Ibrahimoviçin

“Ata fituan 2-1, por unë përmbusha një ëndërr, duke luajtur me idhullin tim. Jo se duhej të flisja me të, por e studiova. Më vinte shumë turp të afrohesha, të luaja me të ishte bukur.”

Në merkato

“Thashethemet në treg? Është bukur, do të thotë se vleni diçka. Dua të tregoj se është e drejtë të më afrohen këto klube”.

“A prisja që Milani të fitonte? Jo, mendova se Napoli dhe Juve kishin më shumë shanse. Jam i lumtur që Ibra, idhulli im, e fitoi, Milani e meritoi këtë Scudetto”.

Në formacionin e tij të preferuar

“3-5-2 nuk i rrit në maksimum karakteristikat e mia, unë preferoj 4-3-3 ose 4-2-3-1. Megjithatë, nëse trajneri vendos këtë, unë duhet të jap 100 për qind atje. Për ekipin dhe për rezultatin”, përfundoi ai. /ORAinfo/

Komento:

	Komenti