AC Milan po i mban gjallë negociatat me Chelsean për nënshkrimin e mundshëm të Hakim Ziyech.

Sipas Tuttosport, drejtuesit e kuqezinjve kanë biseduar me agjencinë Roc Nation dhe me avokatët që janë pjesë e rrethimit të Ziyech.

Pavarësisht se është një lojtar i ndryshëm nga Charles De Ketelaere, Ziyech gjithashtu mund të luajë së bashku me belgun si anësori i djathtë, me yllin e Brugge si playmaker, përcjell ORAinfo.

Marokeni do të garantonte një përmirësim në kërcënimin sulmues në krahasim me Junior Messias dhe Alexis Saelemaekers, por edhe nëse De Ketelaere nuk arrin, atëherë ndjenja është se ai mund të luajë edhe si mesfushor sulmues në varësi të formës së Brahim Díaz dhe Yacine Adli.

Gazeta pretendon se Chelsea është hapur për shitjen e lojtarit me formulën e huazimit me opsion blerje 20-25 milionë euro. Pengesa më e madhe aktualisht është paga 6 milionë euro neto për sezon që merr Ziyech.

Chelsea mund të zgjedhë të ndihmojë në lehtësimin e gjërave duke paguar një pjesë të pagës së tij. /ORAinfo/

Komento:

	Komenti