Nënshkrimi i Charles De Ketelaere kërkonte një investim të madh dhe tani Paolo Maldini dhe Ricky Massara do të duhet të shpenzojnë buxhetin e mbetur me mençuri.

MilanNews raportoi se tarifa e transferimit për De Ketelaere është 32 milionë euro fikse plus 3 milionë euro bonuse dhe si pjesë e kësaj Club Brugge do të marrë gjithashtu 12.5 për qind nga fitimi i një rishitjeje të mundshme në të ardhmen, përcjell ORAinfo.

Sipas Corriere della Sera këtë mëngjes, shpenzimet e mëdha për De Ketelaere do të thotë se nuk ka mbetur shumë buxhet për dy pozicionet që duhet të adresohen, përkatësisht rolin e qendërmbrojtësit dhe të mesfushorit qendror.

Gazeta thekson se ka vetëm rreth 8-9 milionë euro buxhet të mbetur në dispozicion për tarifat e transferimit dhe kjo shumë do të përdoret nga Maldini dhe Massara për të përforcuar mesfushën, që do të thotë se ata janë vetëm në kërkim të mbrojtësve që mund të mbërrijnë me një marrëveshje fillestare e huasë. /ORAinfo/

Komento:

	Komenti