A e konfirmoi me këtë veprim Ronaldo largimin nga Man United? – Ora Info Ballina | ORAinfo.com - Nuk ndalet

A e konfirmoi me këtë veprim Ronaldo largimin nga Man United?

11:29 | 04 Korrik 2022

Cristiano Ronaldo nuk do të paraqitet në stërvitjet e parapara për sot (e hënë) te Manchester United.

Djajtë e Kuq janë duke u bërë gati për ndeshjet para sezonale, derisa ylli portugez po u shkakton jo pak kokëçarje.

Sipas asaj që raporton gazetari i BBC Sport, Simon Stone, pesë herë fituesi i Topit të Artë nuk do të paraqitet në stërvitje.

Lojtari 37-vjeçar po e kërkon largimin nga “Old Trafford”, ndërsa arsyeja e tij për të mos marrë pjesë në seancë stërvitore është për arsye familjare.

Chelsea, Bayern Munich dhe Napoli, thuhet se po i shikojnë mundësitë për transferimin e Ronaldos në këtë afat.

Madje, u raportua para pak ditësh se pronari i ri i Chelseat, Todd Boehly është takuar me agjentin e CR7, Jorge Mendes, për të planifikuar një kalim të lojtarit në “Stamford Bridge”.

Komento: