Arrihet marrëveshja, ky është klubi i ri i Depayt! – Ora Info Ballina | ORAinfo.com - Nuk ndalet

Arrihet marrëveshja, ky është klubi i ri i Depayt!

19:01 | 10 Gusht 2022

Memphis Depay gjithmonë e më afër largimit nga Barcelona, holandezi ka marrëveshje tashmë me Juventusin

E ardhmja e Memphis Depay nuk është ende e vendosur, por për momentin ai ka më së shumti gjasa të largohet nga Barcelona.

Juventusi po bisedon me lojtarit dhe Barcelonës ditët e fundit, ndërsa janë intensifikuar kontaktet e tyre kohën e fundit.

Zonja e Vjetër dëshiron që Barcelona t’i ndërpresë kontratën dhe ta lejojë atë të largohet si transferim i lirë.

Memphis e di që nuk do të ketë shumë minuta në projektin e ri të Xavit, me ardhjen e Robert Lewandoqwski, Raphinhas dhe rinovimin e Ousmane Dembeles, prandaj ai po e shikon me sy të mirë një largim nga Camp Nou.

Largimi i tij, për më tepër, do të kursente një shumë të konsiderueshme parash për arkën e klubit dhe do të lehtësonte ndjeshëm faturën e shtrënguar të pagave. Ai është një largim i shumëpritur në zyrat e klubit të Barcelonës.

Juventusi nuk dëshiron të paguajë një tarifë transferimi për një lojtar që i ka mbetur edhe një vit në kontratë dhe që ata e dinë se ai është i gatshëm të largohet nga klubi i tij aktual.

Në Itali, në fakt, ka disa raportime se klubi tashmë ka arritur marrëveshje me ish- lojtarin e Lyonit dhe se ai do të nënshkruajë për dy sezone.

Tuttosport madje shkruan se ai do të marr 6 milionë euro në sezon.

Depay ka luajtur 38 ndeshje dhe ka shënuar 13 gola në sezonin e fundit.

Komento: