Nënshkrimi i ri i Manchester United, Casemiro, ka pranuar se mezi pret të luajë sërish përkrah Cristiano Ronaldos këtë sezon.

Dyshja shijuan sukses të rëndësishëm së bashku në Real Madrid dhe tani janë ribashkuar në Old Trafford, megjithëse lidhja e tyre mund të jetë jetëshkurtër pasi Ronaldo ka kërkuar të largohet nga klubi këtë verë në kërkim të futbollit të Champions League, përcjell ORAinfo.

Gjithsesi, lista e kërkuesve për Ronaldon nuk është e gjatë dhe siç qëndron, 37-vjeçari duket se do të qëndrojë te United për të paktën një sezon tjetër.

Ky do të ishte një lajm i mirë për Casemiro, i cili foli për marrëdhënien e tij me Ronaldon në një intervistë të fundit me ESPN.

“Cris… ne po flasim për një lojtar që, për mendimin tim, është një nga më të mirët e të gjitha kohërave. Iluzioni se mund të luaj sërish me të, ai e di respektin që kam për të.

“Shpresoj që ai të qëndrojë, sepse ai është një lojtar që ju jep lidership, jep shumë gola, është fitues dhe është shumë i rëndësishëm për ne”, tha Casemiro./ORAinfo/

Komento:

	Komenti