Mbrojtësi i AC Milan, Alessio Romagnoli është afër një lëvizjeje te Lazio si një transferim i lirë, ndërsa koha e tij te kuqezinjtë po i afrohet fundit.

Romagnoli iu bashkua Milanit nga Roma në verën e vitit 2015 dhe ka qenë shtylla e mbrojtjes deri në sezonin e kaluar, ku Fikayo Tomori dhe Pierre Kalulu u bënë çifti i parë i zgjedhjes, përcjell ORAinfo.

La Gazzetta dello Sport shkruan se pas blerjes së Marcos Antonio, Lazio është gjithashtu i gatshëm të mbyllë marrëveshjen për Alessio Romagnolin.

Pasi oferta e parë prej 2.5 € neto për sezon u refuzua nga lojtari dhe shoqëruesit e tij, Biancocelestët vendosën të rrisin ofertën e tyre.

Tani, Lazio ka përmbushur kërkesën e lojtarit prej 3 milionë euro në vit dhe në ditët në vijim, miratimi përfundimtar nga Romagnoli duhet të arrijë pasi ai do të përfundojë një lëvizje në klubin e tij të fëmijërisë pasi kishte kaluar shtatë vjet me kuqezinjtë./ORAinfo/

Komento:

	Komenti