Klubi i vetëm shqiptar në Angli i dhuron Kurtit një fanellë – Ora Info Ballina | ORAinfo.com - Nuk ndalet

Klubi i vetëm shqiptar në Angli i dhuron Kurtit një fanellë

19:54 | 09 Gusht 2022

Kurtit i dhurohet fanellë nga klubi i vetëm shqiptar në Angli.

Kryeministri i Kosovës, Albin Kurti, ka pritur në takim ekipin e vetëm shqiptar në garon në ligën e 11-të të futbollit anglez, Illyrian FC. E.

Kurti me anë të një postimi në rrjetet sociale ka falënderuar Arbër Berishën për aktivizimin dhe promovimin e vlerave të popullit tonë në Britani.

“Futbolli anglez për herë të parë ka edhe një ekip shqiptar. Themeluar vitin e kaluar, klubi shqiptar por jo vetëm i shqiptarëve garon në ligën e 11 të futbollit anglez nën emrin emblematik, Illyrian FC. E falënderova Arbër Berishën për aktivizmin dhe promovimin e vazhdueshëm të vlerave të popullit tonë në Britani të Madhe dhe për dhuratën e këndshme sot. Forca Illyrian FC!”, ka thënë Kurti.

Kryeministri gjatë vizitës nga klubi shqiptar mori edhe një fanellë, të personalizuar me emrin e tij.

Komento: