Newcastle ka finalizuar nënshkrimin e qendërmbrojtësit holandez Sven Botman nga Lille.

Magpies konfirmuan se kishin rënë dakord për një ‘marrëveshje në parim’ për të nënshkruar me 22-vjeçarin muajin e kaluar pas përfundimit të testeve mjekësore, duke pritur derisa të finalizoheshin formalitetet e marrëveshjes përpara se të shpallnin zyrtarisht Botman si një lojtar të ri, përcjell ORAinfo.

Ajo ditë është tani, me Newcastle që zbulon zyrtarisht qendërmbrojtësin si nënshkrimin më të fundit të epokës së re në St James’ Park.

“Jam vërtet i lumtur, i kënaqur dhe mezi pres të filloj këtë aventurë të re”, tha Botman pas nënshkrimit të kontratës së tij pesëvjeçare. “Kjo është dita më e mirë e jetës sime, për të nënshkruar një kontratë me Newcastle United. Është një ditë për të cilën kam punuar shumë dhe jam shumë i emocionuar”, ka përfunduar ai./ORAinfo/

Komento:

	Komenti