Liverpool thuhet se po përgatitet të ofrojë një ofertë prej 40 milionë eurosh për mesfushorin e Milanit, Ismael Bennacer.

Ish-djaloshi i Arsenalit nuk ia doli në Londrën e Veriut nën drejtimin e Arsene Wengerit, por që atëherë është vendosur si lojtar i rregullt për kuqezinjtë e Stefano Piolit,përcjell ORAinfo.

Mes konkurrencës nga Sandro Tonali dhe Franck Kessie i cili tani është larguar për në Barcelonë , Bennacer kontribuoi me dy gola dhe një asistim në 31 ndeshje në Serie A sezonin e kaluar.

Algjeriani filloi 15 nga ato ndeshje pasi kuqezinjtë fituan Scudetton, ndërsa ai gjithashtu filloi katër ndeshje të Champions League në fazën e grupeve.

Kontrata e Bennacer në San Siro ka vetëm dy vjet të tjera për të përfunduar, gjë që ka çuar në spekulime rreth një rikthimi të mundshëm në Premier League për sezonin 2022-23./ORAinfo/

Komento:

	Komenti