Klopp thotë se Liverpoolit duhet t’i jepen tri pikët, nëse shtyhet ndeshja me United.

Trajneri i Liverpoolit, Jurgen Klopp, ka thënë se skuadra e tij duhet të marrë tri pikët në tavolinë, nëse ndeshja kundër Manchester United shtyhet për shkak të protestave të planifikuara nga Djajtë e Kuq.

Tifozët e United pritet të protestojnë kundër pronësisë së Glazer të Manchester United të hënën, pas një fillimi të dobët të sezonit.

Familja Glazer, e cila përfshin bashkëkryetarët e klubit, vëllezërit Avram dhe Joel Glazer, shihen nga tifozët si pronarë që janë ulur dhe me dëshirë shikojnë rënien e klubit.

“Unë me të vërtetë shpresoj se nuk do të ndodhë, por nëse ndodh, mendoj se duhet të marrim pikët. Nuk kemi asnjë lidhje me situatën dhe nëse tifozët duan që ndeshja të mos ndodhë, atëherë ne nuk mund ta riorganizojmë lojën përsëri dhe ta vendosim atë diku në një sezon tepër të ngarkuar”, ka thënë Klopp.

Aktualisht, Policia e Manchesterit nuk ka në plan të sigurojë masa shtesë sigurie për ndeshjen.

Sezonin e kaluar, e njëjta ndeshje u shty pasi tifozët kishin protestuar ndaj familjes Glazer në Old Trafford, të cilët në atë kohë kërkonin t’i bashkoheshin Superligës Evropiane. Liverpool fitoi ndeshjen e riplanifikuar 4-2.

Komento:

	Komenti