“Unë e dua këtë lojtar, sigurisht që do të ishte një ide simpatike të shihja Cristiano Ronaldon të luante në Signal Iduna Park. Ai është një nga lojtarët më të mëdhenj që ka prodhuar bota,” pranoi Watzke për gazetarët. “Por nuk ka asnjë kontakt fare mes të përfshirëve. Kështu që ju duhet të ndaloni së foluri për këtë.”
Dortmundi, i cili humbi yllin Erling Haaland nga Manchester City në fillim të verës, ishte lidhur me 37-vjeçarin mes pasigurisë për të ardhmen e tij në Manchester United, përcjell ORAinfo.
Megjithatë, ata tashmë kanë nënshkruar me sulmuesin francez Anthony Modeste për të mbuluar Sebastien Haller, i cili u ble nga Ajax më herët në dritaren e transferimit, por tani është jashtë për një kohë të pacaktuar pasi ai i nënshtrohet trajtimit të kancerit.
Nënshkrimi me Ronaldon duket i papajtueshëm me një strategji të tillë. Pesë herë fituesi i Topit të Artë ka një vit të mbetur nga kontrata e tij në Old Trafford, por thuhet se dëshiron të largohet për të luajtur futboll në Champions League, diçka që Dortmundi mund t’i kishte ofruar.
United, i cili do të luajë në Europa League, ka pohuar se ai nuk është në shitje dhe ai është paraqitur në të dyja ndeshjet e tyre në Premier League deri më tani këtë sezon, në humbjet kundër Brighton and Hove Albion dhe Brentford./ORAinfo/
20 °C
