Paul Pogba, do të luajë për Juventusin nga korriku. Siç pritej, negociatat kanë ecur mirë dhe mbetet vetëm që ‘Vecchia Signora’ të shpallë marrëveshjen.

Fabrizio Romano ka raportuar “marrëveshjen e plotë” që është arritur në orët e fundit pas takimit që do të kishin të dyja palët, përfshirë Rafaela Pimienta, agjentja e francezit, përjell ORAinfo.

Nënshkrimi është “bërë dhe vulosur”. Juventusi pritet të njoftojë nënshkrimin e Pogba në fillim të korrikut, kur kontrata e tij aktuale me Manchester United skadon më 30 qershor.

Agjenti i tij shkoi në zyrat e Juventusit në Milano për t’u takuar me drejtorin sportiv të ‘Bianconerëve’, Federico Cherubini, për të mbyllur marrëveshjen. Sipas raportimeve të mediave lokale, kohëzgjatja e kontratës ishte ende për t’u finalizuar, pasi paga do të jetë rreth tetë milionë euro./ORAinfo/

Komento:

	Komenti